.•»|[• الغتره والعقال • ]|«•.

**

إذا المراجل لبسة شماغ وعقـال.... قـل للعـذارى يلبسـنّ العمايـم

ما عاد يفرق زول حرمه ورجال .... دام الفعايل تشبـه البعـض دايـم

المرجله ما هيـب كلمـه وتنقـال .....وتروح ما راحت هبوب النسايـم

وإلا خشونة صوت أو رفع الأثقال ....أو رزة صـدور وفعـل الزلايـم

ولا هي بعد مفتاح موتر وجـوال .....وإلا ردى لسانـن حديثـه شتايـم

المرجله شيمه عن القيـل والقـال .....رفيع نفس (ن ) حر بالجو حايـم

المرجله عقلٍ وزن وزنـه جبـال .....ودون العقل وش فرقنـا والبهايـم

يا مسندي لو مايل الوقت بي مال .....يا ولد أبويه يـا عظيـم العزايـم

يا معرب الجدين من العم والخال..... يا نخوة المفزوع وقـت الهزايـم

المرجله يا خوي هي طولة البـال......هي العزم هي الصبـر فالظلايـم

فيها الكرم عـزه دلـه وفنجـال ...... فيها الكرامه عن ردى الطبع شايم

والدين لامنه خذا القلـب منـزال ...... مشى طريق الحق وابليـس نايـم

ومن لا عرف ربه في طيب الحال .....لابد وقت الضيـق بالهـم هايـم

حتى صلاتك مع جماعات ورجال ..... في خيرها يا خوي نعـم الغنايـم

ولامن نصف ليلك قم صفي البال......يا عظم أجرك بين ساجـد وقايـم

ولا من رفع ربي له كل الأعمـال ..... حسن الذكر لا قالو فـلان صايـم

وخلك شريف القصد يا طيب الفال ..... سوء المقاصد فالبيـوت الهدايـم

واحذر تبيع النفس في درب الأنذال.....وتتبع خوي إبليـس راع النمايـم

النفس خيل لك إذا كنـت خيّـال .....ومن لا قوى نفسه قوته الهزايـم

ولا صرت ما تدري لو يش أنت رجال..... والله خسارة فيك ذبح التمــــايم

**

تقبلوا تحياتي/

يسلمووووووووو جوجو

والله نصايح روعــــــة

بأبيـــــات أروع ,,

ألف شكر ( لنقوتـــكـ ) وجة أخضر

اهلأ اهلأ..

,,

اولي مشكوره عالمرور الاكثر من رائع...

**دمتم سالمين**

مشكور ونا فعلا ما أصدق عيوني معقوله بغيبتي هذي تطورتي لذه الدرجه ماشاء الله تبارك الله شاعره متمكنه قصيده رائعه مضمونا وقافيتا ووزنا بس لوفيها بعض الأخطاء مثل رفع الأثقال لأن الرجال لازم يصير جسمه مفتول (معضل) عشان ظروف الدنيا لا زم يصير الرجال قوي البنيه و لا زم يصير خشن ويصير شجاع مب خنيمه عـــاشوااا

:رقص:

هلا والله اخوي شفر..

مشكووور عالأطراء..بس ترا القصيده ملطووشه هع هع.. وجة أخضر

يعني مو انا الي طتبتها..

بس نشكووووره على الاطراء على اية حال..

تقبل تحياتي/