لتكن النظرة أقرب ,,

السلام عليكم والرحمة على الكل ,,
بصراحة احساس غريب إنك تلقى نفسك لحالك في المنتدى , بحكم إنه الساعة عندي 11 مساء ,, معناها الساعة 7 الصباح عندكم ( وناسة أنا على النت وانتم في المدرسة )
وطبعا كوني الحين لحالي في المنتدى , جالس أحس إنه انا العين الساهرة والقلب الحنون على هالمنتدى << انت اترك عنك السحبات وبعدها تكلم !!

عالعموم ,, مالكم بالطويلة ,, السالفة وما فيها إنه : قبل أيام معدودة كتبت موضوع يتكلم عن بعض الأخطاء الاجتماعية وكيف أننا ما ندرك كونها أخطاء , الموضوع كان بعنوان ( ملاحظات ولكنها في الواقع أخطاء ) , ,
في هالموضوع بغيت إنه نخلي تركيزنا على الملاحظات اللي عندنا في المنتدى ,, وراح ابدا ببعض هالملاحظات:

أول حاجة : طبعا من ولادتنا كبشر انوجد معنا مبدأ ( الملكية ) , يعني فيه حاجات ترجع لك أنت وأنت تملكها ملكية كاملة , مثلا : جوالك , محفظتك , شنطتك , سيارتك ( بنات عيب مافيه ) , والقائمة تطول ,,
ومن الحاجات اللي نملكها أيضا (( أفكارنا )) ,, لما تخطر في بالي فكرة وأطبقها على أرض الواقع , واستخدمها وأتكلم فيها -وفرضا- أكتبها في موضوع في المنتدى ,, الفكرة هذي فكرتي أنا , ملكي أنا ,, يعني بدون فلسفة ( حقتي ! ) ,,,
يعني مو معقولة يجي واحد بكل بساطة ( يلطش ) هالفكرة ويروح يحطها في منتدى ثاني -مثلا- بدون ما يقول إنها منقولة من ( نفث قلم من منتدى ستارز قيرلز ) أو على الأقل على الأقل يقول ( منقول ) ! ,,
تخيل مثلا , أنا كاتب موضوع في هالمنتدى ( خلونا نقول موضوعي الأخير حق الأخطاء الاجتماعية ) وتجي ( مثلا مثلا ) حاسوبية ( بكيفك عاد أنتي اللي جيتي على بالي ) وتلطش الموضوع بكل بساطة لمنتدى ثاني ,, الأعضاء في المنتدى الثاني راح يشكرون حاسوبية على هالموضوع الخطير والإبداعي والفلتة ( طبعا موضوعي ! ) وهي ترد وتقول : العفو العفو , ( وتلقونها ماخذه مقلب انه الموضوع جد موضوعها ! )

برايفت حاسوبية : مادري ليش ,بس كذا حاقد عليك !

مابغى أطول السالفة وهي قصيرة ,, شباب وبنات , جد والله ماراح يضركم كلمة منقول في الأخير , وتبري ذمتك بعد !


النقطة الثانية :

أحيانا يجي الواحد منا متحمس يبغى يكتب موضوع, مثلا يبغى يناقش قضية معينة حاصلة في المجتمع , وتلقون هالعضو متحمس في الكلام ويصقع لك الموضوع ب 200 سطر ويبدا يتكلم ويوصف القضية وكيف ممكن نحلها وايش الاضرار و و و ,, وطبعا هو ينتظر الردود ,, يجي لك عضو , مثلا ( الوش بكيفي حاقد على بنات عماتي ) تجي الوش وترد على الموضوع وتقول :
شكرا على هالموضوع ,, وننتظر جديدك .


بصراحة لما أشوف رد مثل هذا ,, ما يكون عندي إلا أمنية وحدة ,, أبغى أخبط اللاب توب على راس راعي الرد !

برايفت الوش :
عارف ابتصفق ,, بس الله لا يضرك أنتي آخر وحده ممكن ترد رد زي كذا !! يا حبك للهرج.


يعني نقطتي باختصار إنه يا أخي\أختي قول رأيك , عط إضافة على الموضوع , انتقد , دبر لك صرفة بس لا ترد بهالشكل !!
والله أنا بالنسبة لي أحب لي إنك ما ترد بدال هالرد اللي مال أمه سنع !!!


أنا عارف إني طولت السالفة وهي قصيرة ,,, هي مجرد ملاحظات عابرة أتمنى تجد من عندكم كل القبول ,,

عقيل ,,

ياهلا ويا سهلا

مشكووووور على الموضوع الاكثر من رائع



تحياتي

اهلين نفنف

لا لا الحمد لله موضوعي مو ملطوش ,, بس في الزمن الماضي صارت لي مواقف من هالنوع

من ناحية الحوار ,, فعلا معاك حق ,
أي شخصية تنبني على دروس من الحياة , من البيت للمدرسة ومن المدرسة للجامعة ومن الجامعة إلى العمل ,, والكل ضد موضوع النقاش ولغة الحوار ,, وهذا اللي يسبب لنا حالة ( رضوخ ) عام ومطبق , وينعكس على باقي مجالات حياتنا ,,
مشكورة على المرور خيتو ,,


لولي ,
والله صادقة ,, من مواضيع نقاشية , قصص , ألعاب ,, وكلش ملطوش ,, والمشكلة لو يحطون حضرة هال ( لاطش ) مشرف !! الله على الحالة بس !
وموضوع محكمة ( انترنتية ) , فعلا كوجود تحسينها ضرورية , لكن كتطبيق - لو شفناها بعين واقعية - راح تكون فعلا صعبة أو اقرب للمستحيلة , كونك تتعاملين مع رموز ( اسماء مستعارة ) , وكيفية فرض العقوبات , وغيرها من الحاجات اللي تصعب عليك هالتطبيق ,,

وألف شكر على الرد ,,


حاسوبية ,
ههههههههههههههههههههه كنتي بتتصفقين الا شوي

حلو , لما نعبر عن أفكار الغير بحروفنا وكلماتنا الخاصة , لكن أيضا هذا ما يمنع إنه نذكر إنه الفكرة مو فكرتنا ,, وأحيانا يكون الموضوع عاجبك الفكرة والأسلوب , وهذا ما يمنع إنك تنقله حرفيا لكن مثل ما قلنا مع ارجاع الفكرة للمصدر الأصلي , وإنه ما تكون حركة النقل هذي عادة وطبع ملازم لك ,,
وصادقة من ناحية انك توازن في مواضيعك مع الوقت ,, يعني مو تملا لي المنتدى مواضيع وتشتكي ليش ما احد يرد علي ! ,, كثير من المنتديات حاطة شروط إنه ما تتجاوز موضوع واحد في اليوم , وهذا شيء حلو ,, الموازنة مطلوبة !

حاسوبية , يعطيك العافية على هالرد ,,



عبير الورد