ذوقنا ,, والذوق العام..

السلام عليكم يا إخوة الإسلام ( رد السلام واجب مابغى أحد منكم يستأثم بسبتي )
كيفكم وايش أخباركم مع هالدنيا ,, وصح على البركة الإجازة اللي اخذتوها السبت والاحد ياليت حقين الاوبك يسكنون بالرياض أجل ,

أنا بعد بكرا واللي بعده عندي اجازة ,, يعني الخميس والجمعة والسبت والأحد عندنا عيد الشكر -على قولتهم- يعني انقهرووووا
بس المشكلة انه بعد اسبوع اختباراتي النهائية

عالعموم ماله داعي اطول السالفة عليكم ,,

فيه قصيدة مغربية قريتها مره اسمها ( شويخ من أرض مكناس ) وهنا انقل لكم بعض ابياتها :

شويخ من أرض مكناس ,,, وسـط الأسواق يغني
وش علي أنا من الناس ,,, وش على الناس مني
وش عــلـي يا صـاحـب ,,, مـن جــميــع الخـلايـق
افــعــل الـخيــر تـنـجـو ,,, واتبع اهــل الحــقايــق

أيضا ,, قبل أيام قرأت مقالا للشاعر عبدالرحمن بن مساعد , المقال كان عبارة عن بعض التساؤلات وإذا هل يستطيع أحد إجابتها أو لا ,, وكان من ضمن التساؤلات

" لماذا نجعل من ذوقنا مقياسا للذوق العام"

كثير ما تمر علينا في حياتنا اليومية مواقف مثل : لما أحد يعجبه شي والثاني لا ,, مثلا :

فيصل يقول: نايف تعال شم العطر هذا والله حلو ,
نايف : الله يعافيك بس ! وش هالذوق استغفر الله !

موقف ثاني مثلا ,, لما يتكلمون اثنين عن قضية اجتماعية مثلا عن تدني مستوى الثقافة بين أفراد الشعب ,, وهذا موقف مثلا :
ناصر : والله أنا أشوف إن الشباب السعودي كمستوى ثقافي متدني نوعا ما , وأكبر دليل الإقبال القليل على الكتب من فئة الشباب,,
يرد حمد ( وهو يحك إذنه بالمفتاح ) : اقول اسكت يا ناصر والله انك غلط و ماعندك ما عند شغالة جيراننا ,,


في الموقف الأول , صاحبنا عبر عن ذوقه واعتبر ان ذوقه هو المقياس العام للذوق , يعني اللي يعجبه هذا ذوقه حلو , واللي ما يخش مزاجه هذا ذوقه شين !!
طيب يا أخي ليش ما تقول : لا والله يا فيصل هالعطر مو ذوقي ابدا ,,
لأنه هذا الصح وهذا الأدب , حتى ولو كان صاحبك أنا أتكلم عن الصح ,, على أي أساس اعتبرت ذوقك هو الصح يا ابو ذوق انت ّ!!

الموقف الثاني مشابه ونقدر نشوفها من نفس الجهة ,, صاحبنا حمد رد وقال إنه ما عندك سالفة واحتقر وجهة نظر صاحبه ,, طيب يعني أنت رأيك إنه الشباب السعودي مثقف , على أي أساس اعتبرت وجهة نظرك هي الصح ووجهة نظر ناصر هي الغلط ,, كان ممكن ترد وتقول والله إنه لا , أنا أشوف إنه الشباب السعودي مثقف ( بدون ما تقول انك يا ناصر غلطان ! ) ,,

هذا اللي عندي بخصوص هالموضوع وبانتظار تفاعلكم ,,

أنا لي فترة طايح في هالمجتمع وحالاته ,, بس مثل ما انتم عارفين الحالة قبل الاختبارات النهائية بصراحة من الاحباط صار عندي تبلد ,,


وبعدين على فكرة ! ,, لما تشوفون الابتسامات اللي على اليمين ,, وتشوفون اللي الاشكال اللي مصممها الى الحرية , بتلقون وحده باسمي ( نفث قلم ) ولما تحطون المؤشر عليها تطلع لكم كتابة ( الحبر المنتشر ) ,,
بصراحــــة ,, لا تعليـــــــــ ـــــــــــق


انتظر ردودكم على الموضوع الأساسي وبليز أهم شي , مثل ما اتفقنا اذا بترد وتقول شكرا والله يعافيك وتطلع ,, تكفى لا ترد من الأساس وادعي لي في قلبك وتسلم ,, ياليت ردود فيها أخذ وعطى وردود تكون تثري الموضوع وتزيده ,,

الشكر للكل ,, والأسف موصول بسبب الإطالة

عقيل

اهلين لولي ,,
بالأول كنت ناوي احطه في النقاشات , لكن حسيت الموضوع مافيه ( نقاشات ) , فيه (إضافات) إذا أقدر أقول ,, عالعموم ما اقدر اقول شي للإشراف !!


هلا ومرحبا نفنف ,,

حلو لما يتكلم الإنسان بأريحية لكن أحس إنه الأحلى لو كانت الأريحية باستخدامنا لعبارات غير تنقيصية للغير ,,
يعني مثلا ,, أذكر مره أنا وأخوي صالح كنا في مول وأعجبتني ( جزمه ) -وأنتي بكرامه- ,, لكن صالح ما أعجبته أبد , المهم أنا متردد آخذها ولا لا , وصالح يقول لي: والله بايخه وما تسوى سعرها , أصلا مادري وش الزين فيها ... ومن هالكلام
رديت عليه ( وكلي قهر ) قلت : يا أخي قل ما أعجبتني وماهي من ذوقي , لا تقول بايخه !
طبعا هو كبرت في راسه وقال الا بايخه وستين بايخه ,, ولعب براسي وما شريتها بالأخير ! << أخوي الكبير وش أسوي !

يعني حتى أقرب الناس لك أحيانا يمكن تتضايق منهم شوي اذا عمموا ذوقهم واعتبروه مقياس ,,

على كل ,, مشكوورة على المرور
*********************


هلااااااااا والله ميرندا ,, الله يديم عليك زين الحال ياخوي

صح معك حق و صادق لما تقول انه هاللون بايخ ما تكون عممت ,, لكن يمكن ( واقول يمكن ) خويك يتضايق شوي ولو كانت الميانة موجودة ,,
وعلى قولتك لو وجهك مغسول بمرق بطاطس ,, والله الصراحة حلووووة لكن المجتمع ما أحسه مستعد لهالشيء ,, أقصد للصراحة بهالشكل الكبير ,,

عالعموم ,, تسلم لي يالغالي ويسلم مرورك الأروع ,,

اول شيء ياحظك عندك اجازة
احنا لا اجازة اوبك و لا هم يحزنون
و العلاقة بيني و بين الذوق العام هي علاقة طردية
بمعنى أي شي بنفس الاشارة هو كذلك في الذوق العام
أي العلاقة ايجابية و في نفس الاتجاة
يعني بيتا = عدد وجب صحيح

<<< فهمت شيء؟

>>>> و لا أنا